حيل محتآاجك ..

[size=24]صدقني ما جيتك إلا حيـل محتاجـك
................ أسمع كلامي وعقب اللي تبـي سـوّه

ماجيتك العـب ولا بسبـب أحراجـك
................ جيتك وانا أشوف كلك طيب ومـروّه

شيّن طبيعي تبي تحتـاج وأحتاجـك
.................... طبع البشر كلهـم مـن آدم وحـوّه

لكني أشوف همـك كيـف مخراجـك
................ والله هو اللي يعرف الناس من جـوّه

مافيه داعي تضيق وتعقـد احجاجـك
......................... الحـب ويـاك تـوّه فأولـه تــوّه

لا صار منهاج خلك غيـر منهاجـك
...................... قلّـه بوجهـه وجمّـد قلبـك وقـوّه

اليا متى امري حبيس بداخل ادراجـك
........................ واجـيـك واقـولـك وارد وانــوّه

الهم والغم والضيقـه مـن انتاجـك
................ وصاحبك من كبر حزنه اختلف جـوّه

غرقت في ساحلك قبل اوصل امواجك
..................... وجرحتنـي جـرح ياكبـره وياقـوّه

ان كان في غيبتي راحتك واعلاجـك
.................. ابشر ابصبر واصـد لخاطـر الخـوّه

وان كان عني نويت اتطفي اسراجـك
................. وش ينبغا بالهوى اذا طفـت ضـوّه

مشكور يا غايتي وآسف على ازعاجك
................. مافيه حبن يجـي بالغصـب والقـوه [/size